maethu a mwy

Oes gennych chi ddiddordeb mewn ymuno â’n cymuned faethu?

Dyma wasanaeth sy’n cael ei gynnal o fewn Castell-nedd Port Talbot, ble rydyn ni’n chwilio am ofalwyr maeth i gefnogi plant a phobl ifanc i fyw yn eu cymuned o fewn cartrefi maeth.

Fel Gofalwr Maethu a Mwy byddwch chi’n rhan o dîm sy’n cefnogi plentyn / person ifanc, sy’n cynnwys cymorth arbenigol gan ein tîm therapiwtig profiadol.

Fel rhiant corfforaethol mae Cyngor Castell-nedd Port Talbot (CnPT) yn gwneud ei orau i sicrhau fod plant sy’n derbyn gofal gan y Cyngor yn cael eu rhoi yn y lleoliad mwyaf addas i’w gefnogi orau, er mwyn iddyn nhw gyflawni’u canlyniadau.

Fel Gofalwr Maeth a Mwy, byddwch yn chwarae rhan hanfodol wrth gefnogi plant i fyw’n lleol, yn ein cymuned, yn agos at deulu, ffrindiau a’r ysgol.